तरुण दलले कपिलवस्तु क्षेत्र नं १ वाणगंगा इकाई समितिका अध्यक्ष राजेश सेनको हत्या भएको बारे पटक पटक ध्यानाकार्षण गराउँदासमेत सरकारले चासो नदेखाएको आपत्ति जनाएको हो। सोमबार रिपोर्टर्स क्लबमा पत्रकार सम्मेलन गरेर तरुण दलले हत्यामा संलग्नलाई कारवाही नगरे शसक्त आन्दोलन गर्ने चेतावनी दिएको हो। तरुण दलका अध्यक्ष उदय शमशेर राणाले दोषीमाथि तत्काल कारवाही गर्नुपर्ने माग राखेका छन्। उनले मृत्तक सेनलाई सहिद घोषणा नगरिए र मृतकका परिवारलाई उचित क्षतिपूर्तिको व्यवस्था नगरिए सशक्त आन्दोलनमा उत्रने चेतावनी दिए।
अध्यक्ष राणाले भने, 'अपराधी मनोवृत्तिका अज्ञात व्यक्तिद्वारा गोली प्रहार गरी हत्या गरिएको घटनाबारे पटक पटक गम्भिर ध्यानाकार्षण गराउँदा समेत सरकार र मातहातका निकायबाट कुनै चासो देखाउने काम भएको छैन ।' राणाले दिनदाहडै गोली प्रहार गरीप् हत्या गर्नु भनेको लोकतन्त्रको खिल्ली उडाउने काम भएको भन्दै हत्यामा संलग्नलाई तत्काल कारवाही नगरिए आफूहरु देशव्यापी रुपमा आन्दोलनमा उत्रने र त्यसबाट उत्पन्न परिस्थितिको जिम्मा सरकारले लिनुपर्ने चेतावनी दिए।
सेनको ०७२ माघ २८ गते साँझ करिव सवा सात बजे काँग्रेसका तत्कालीन सभापति स्व. सुशील कोइरालाको श्रद्धाञ्जली कार्यक्रम स्थलमा रेखदेख गरिरहेको अवस्थामा जितपुर चोकमा हत्या भएको अध्यक्ष राणाले जानकारी दिए।
source : www.nagariknews.com
Post a Comment